Martes 21/04. Tarefas 3º.

Bos días! 

As tarefas propostas para o día de hoxe son: 

Lingua castelá. 

 Imos traballar os demostrativos. Lede a información que aparece na imaxe antes de facer as actividades. Tamén podedes consultar a páxina 109 do libro de texto de lingua castelá. 

Matemáticas 

Para matemáticas propóñovos un reto. Tedes que colocar os números 9, 5,6,7, 8 e 4 nos cadradiños, pero de tal forma que cando sumedes os cadradiños de dereita a esquerda, de arriba a abaixo ou en diagonal (liña que cruza o cadrado dunha esquina a outra) o resultado sexa sempre 15. 

Despois podedes practicar as multiplicacións de dúas cifras. 

Podedes enviar esta actividade ao correo cos vosos resultados (non vai ser publicada) a ver quen acerta! 

enviocole@gmail.com 

Ciencias Sociais 

En sociais imos clasificar as augas do planeta. Para iso podedes axudarvos da páxina 68 do libro de texto ou buscar a información en libros, internet... 
O que tedes que facer é observar a imaxe e contestar ás preguntas. 

Valores 

En valores hoxe propóñovos escribir unha carta para o futuro sobre o momento actual que estamos a vivir.  Na imaxe aparecen en orden algunhas ideas sobre as cousas que podedes escribir. Podedes cambiar o que queirades pero debedes poñer ao principio unha presentación e ao final unha despedida. 

Recordade que hoxe toca Educación Física e que tedes as actividades na etiqueta do blog "Educación Física". 

Recórdovos que hoxe é o último día para poder enviar as historias de galego creadas co dado (actividade do pasado xoves). Se non queredes que se publiquen especificádemo na mensaxe. 

Un saúdo e moito ánimo !