Martes 31. Tarefas para 3º

Bos días! 

As tarefas para o día de hoxe son: 

Matemáticas.

Facedes os seguintes problemas. Fixádevos que vos pregunta sempre as cousas que hai en total. Para facer as multiplicacións por varias cifras recoméndovos que usedes cores, tal e como vos indico no exemplo, así non mesturades as que levades. 

Problemas

Solución (170.346)

 Solución (12.120)

 Solución (122.628)


Lingua castelá 

Na seguinte ficha tedes que subliñar (non fai falla imprimir en lugar de subliñar escribídelos en tres columnas, tal e como aparece na parte inferior da imaxe) nomes e adxectivos. NON é preciso que fagades a parte de verbos, é un texto moi longo e aínda non os traballamos en profundidade.  

Ciencias Sociais 

 Coa axuda do libro ordena as imaxes por orde cronolóxica comezando polo máis recente e rematando pola máis antiga. Despois pon o nome de cada etapa. Emprega o libro se precisas axuda. 

Logo, relaciona os seguintes termos coa súa definición. 

Solucións (1-prehistoria; 3-Idade Antiga; 2-Idade Media; 4-Idade Moderna; 5- Idade Contemporánea)

Solucións (As fontes históricas son todo aquilo que nos pode ofrecer información...As idades da historia son os períodos nos que....) 

Valores 

Para valores propóñovos crear un “tarro da felicidade”.

O tarro da felicidade funciona da seguinte maneira:

1º Escolledes un tarro/bote con tapa e poñédeslle de título tarro da felicidade.

2º Recortades  tiras de papel de cores, reciclado... calquera anaquiño que vos permita escribir unha frase vale.

3º Cada noite antes de ir a durmir ou cear pensades no momento do día que vos fixo sentir máis felices e escribídelo no papeliño. Ten que ser unha frase pequena e curta (non máis de 10 palabras).

4º Pola parte de atrás poñédeslle a data, enroládelo moi ben e metédelo dentro do tarro da felicidade.

Podedes facelo en familia, que cada persoa meta un papeliño, elixir un momento entre toda a familia, cun irmán, individualmente... vós elixides como o facedes. 

5º Cando teñades un mal día podedes recordar eses pequenos momentos que vos fixeron sentir tan felices. 

Aquí vos deixo algunhas imaxes para que vexades un modelo de tarro da felicidade.

 Educación Física 

Recordade que tendes propostas de educación física para facer a través da web do centro, ou nas etiquetas do blog. 

Un saúdo!